History of Haripar(mevasa)

Ø  ગામનુંનામ  –    હરિપર(મેવાસા)

Ø  તાલુકો      _    કાલાવડ

Ø  જિલ્લો      _     જામનગર

Ø  હરિપર(મેવાસા) ગામની સ્થાપના અંદાજે આજથી ૧૨૫ વર્ષ પહેલા થઈ હતી.

Ø  હરિભાઈ સૂબેદાર નામના વ્યક્તિએ આ ગામ વસાવ્યું હોવાથી આ ગામનું નામ હરિપર પડ્યું.

Ø  ગામમાં કોઈ જૂનાં ખંડેર,કિલ્લા,પ્રાચિન અવશેષ,પળિયા કે બીજા કોઈ સ્થાપત્યો જોવા મળતાં નથી.

Ø  ગામમાં પ્રાથમિક શાળાની શરૂઆત ઈ.સ.૧૯૫૦ માં થઈ હતી.

Ø  ગામની ૨૦૧૧માં વસતિ મુજબ સંખ્યા – પુરૂષ = ૩૮૧ + સ્ત્રી = ૩૮૯ કુલ = ૭૭૦

Ø  દર ચોરસ કિલોમીટરે ગામની વસતિ ગીચતા – ૭૭૦

Ø  ગામનું જાતિ પ્રમાણ – દર ૧૦૦૦ પુરૂષે ૧૦૨૦ સ્ત્રીઓ.

Ø  ગામની સાક્ષરતા – પુરૂષ = ૫૮.૫૦% + સ્ત્રી ૫૨.૯૬% કુલ = ૫૫.૮૫%

Ø  ગામમાં રહેતા લોકોના ધર્મ – હિન્દુ , મુસ્લિમ

Ø  ગામમાં રહેતા લોકોની જ્ઞાતિ – સુમરા,સંધિ , રબારી , પટેલ , બ્રાહ્મણ, વણકર, જત મલેક, કોળી

Ø  ગામમાં તેમજ ગામની નજીકમાં રામ મંદિર, સિધ્ધેશ્વર મહાદેવ મંદિર,ઉમરાળા પીરની દરગાહ જોવા મળે છે.

Ø  ગામનાં રામ મંદિરની સ્થાપના વખતે ગામના હિન્દુ-મુસ્લિમ ભાઈઓએ સંયુક્ત રીતે ભાગ લઈને રામ મંદિરની પ્રાણપ્રતિષ્ઠા કરી હતી તેમજ લોક ડાયરાનો કાર્યક્ર્મ સાથે મળીને રાખ્યો હતો.

Ø  ગામમાં રબારી લોકોનો પહેરવેશ ચોરણી અને કેડિયું અન્ય લોકોથી અલગ પડે છે.

Ø  ગામમાં જોવા મળતા મકાનનો પ્રકાર :- કાચા મકાન , મધ્યમ પાકાં મકાન , પાકા મકાન

Ø  ખેતીની જમીન ફળદ્રુપ મધ્યમ કાળી છે.

Ø  સમશિતોષ્ણ આબોહવા તેમજ ૨૬° થી ૪૦° સે. તાપમાન અને સરેરાશ વાર્ષિક વરસાદ ૨૦ ઈંચ રહે છે.

Ø  અહીંના લોકોનો મુખ્ય વ્યવસાય ખેતી અને પશુપાલન છે.

Ø  ખેતીમાં મુખ્યત્વે રોકળીયા પાકમાં કપાસ, મગફળી તેમજ ધાન્ય પાકમાં ઘઉં,મકાઈ તેમજ અન્ય પાકમાં જીરૂ, કઠોળ થાય છે.

Ø  અહીંના લોકોનો મુખ્ય ખોરાક ઘઉં,બાજરી છે.

Ø  આ બધા પાક કૂવાના પાણી દ્વારા સિંચાઈ કરીને લેવામાં આવે છે.

Ø  ગાય, ભેંસ, બકરી, ઘેટાં વગેરે પશુઓનું પશુપાલન કરતાં જોવા મળે છે.

Ø  ડુંગરાળ વિસ્તાર તેમજ બારે માસ હરિયાળી છવાયેલી રહેતી હોવાથી ચકલી, કબુતર,કોયલ,કાબર વગેરે જેવા પક્ષીઓ દ્રષ્ટીગોચર થતાં જોવા મળે છે.

Ø  જન્માષ્ઠમી, રમજાન ઈદ, મહોરમ, દિવાળી, હોળી વગેરે જેવા તહેવારોમાં આખું ગામ એક સાથે ભેગા મળીને ઉજવતા હતાં આ પરંપરા આજે પણ જાળવી રાખી છે.

Ø  નવરાત્રી વખતે રાસ ગરબા તેમજ મહોરમ વખતે તાજીયા કાઢવામાં આવે છે.જેમાં સૌ સાથે મળીને ઉજવણી કરે છે.

Ø  પ્રાચિન સમયથી ચાલી આવતી પરંપરામાં ભવાઈ જોવા મળે છે,જેમાં રામાયણ,જેસલ-તોરલ, રાજા હરિશ્ચંદ્ર વગેરે ભજવવામાં આવે છે.

Ø  ગામમાં પાણીના સ્ત્રોતમાં મુખ્યત્વે કૂવો છે,તે સિવાય ચોમાસામાં વપરાશના પાણી તરીકે નદીના પાણીનો ઉપયોગ કરવામાં આવે છે.

Ø  પહેલાનો કાચો માર્ગ હવે પાકો અને ધુન ધોરાજી,વડાળી સાથે જોડાયેલો છે.જ્યારે ઉમરાળા તરફનો માર્ગ હજુ કાચો જ છે.

Ø  હાલમાં ગામમાં બસ સ્ટેશન અને વીજળીની તેમજ અન્ય સુવિધાઓ છે.